غير متصل
شات GPT و ريموت الريسيفر😂
امبارح بالغلط التلفزيون بتاع أبويا اتحول لراديو، وطول الليل منتظرين كلهم النهار يطلع عشان البطل الهمام اللي هو أنا يصحى من النوم يحل لهم المشكلة التقنية شديدة التعقيد دي.
فعليا أول ما شافوني كلهم نادوا علي بنفس واحد.
قلت لهم وروني الريموت الكنترول.
وحوالي نص يا ساعة يا مؤمن عمال أدخل من إعدادات لإعدادات، من حوارات لحوارات، ومش عارف خالص.
أبويا قالي أتصل لك بالود بتاع الدش يساعدك وهو معاك عالتليفون؟
قلت له هي وصلت لكده؟ طب ثواني بقى عليّ.. دي ملهاش إلا شات جي بي تي، أمال أنا بدفع له فلوس ليه؟
وجيت مصور للشات الريموت، وشرحت له المشكلة التقنية المعقدة دي اللي كانت هتجيب أجلي وتهز ثقتي قدام أبويا وأمي وأختي.
الشات طبعا كعادته هيبدأ لي بتطبيل وأد إيه سؤالي عظيم وميطرحوش غير خبير تقنيات مهتم بتطوير نفسه زيي. قلت له انجزززززز انجز هيبتي بتروح في العيلة أهبب إيه؟
قالي بص هو أنا مش عاوز أحرجك، بس طالما ابتديت بالغلط فأنا هغلط، سؤالك ده بيدل إنك على الله حكايتك، وإن المشكلة اللي بتواجهك لو ناديت أي عيل صغير في الشارع كان حلهالك. حضرتك في زرار قدامك أهوه مكتوب عليه تي في وراديو، شايفه ولا أنت أعمى وإلا إيه حكايتك بالظبط؟ هي ضغطة واحدة عليه هتخليه تلفزيون، ضغطة واحدة تاني تخليه راديو وهكذا، فأنت في إيه بقى مالك قارفني عالصبح ليه؟ هي دي أم مشكلة مستاهلة تشغلني بيها جتكم نيلة مليتوا البلد.
فعليا جيت داخل البيت لأني عملت العملية دي بره عشان ألقط شبكة، وضغطت عالزرار فرجع تلفزيون، البيت كله بنفس واحد هييييييييييي.
أبويا قالي عملتها إزاي؟
قلت له لا أبدا دي حاجة بسيطة لكن في نفس الوقت معقدة شوي يعني، اتشاورت مع الذكاء الاصطناعي في حلها، والحمد لله قدرنا نوصل لحل. لو في أي حاجة تاني واجهتكم في أي حاجة أنا تحت أمركم يعني احنا أهل.
ورجعت الهيبة الحمد لله، ويا رب يا رب يا رب المنشور ده ما يوصل لأبويا أو أمي.
فعليا أول ما شافوني كلهم نادوا علي بنفس واحد.
قلت لهم وروني الريموت الكنترول.
وحوالي نص يا ساعة يا مؤمن عمال أدخل من إعدادات لإعدادات، من حوارات لحوارات، ومش عارف خالص.
أبويا قالي أتصل لك بالود بتاع الدش يساعدك وهو معاك عالتليفون؟
قلت له هي وصلت لكده؟ طب ثواني بقى عليّ.. دي ملهاش إلا شات جي بي تي، أمال أنا بدفع له فلوس ليه؟
وجيت مصور للشات الريموت، وشرحت له المشكلة التقنية المعقدة دي اللي كانت هتجيب أجلي وتهز ثقتي قدام أبويا وأمي وأختي.
الشات طبعا كعادته هيبدأ لي بتطبيل وأد إيه سؤالي عظيم وميطرحوش غير خبير تقنيات مهتم بتطوير نفسه زيي. قلت له انجزززززز انجز هيبتي بتروح في العيلة أهبب إيه؟
قالي بص هو أنا مش عاوز أحرجك، بس طالما ابتديت بالغلط فأنا هغلط، سؤالك ده بيدل إنك على الله حكايتك، وإن المشكلة اللي بتواجهك لو ناديت أي عيل صغير في الشارع كان حلهالك. حضرتك في زرار قدامك أهوه مكتوب عليه تي في وراديو، شايفه ولا أنت أعمى وإلا إيه حكايتك بالظبط؟ هي ضغطة واحدة عليه هتخليه تلفزيون، ضغطة واحدة تاني تخليه راديو وهكذا، فأنت في إيه بقى مالك قارفني عالصبح ليه؟ هي دي أم مشكلة مستاهلة تشغلني بيها جتكم نيلة مليتوا البلد.
فعليا جيت داخل البيت لأني عملت العملية دي بره عشان ألقط شبكة، وضغطت عالزرار فرجع تلفزيون، البيت كله بنفس واحد هييييييييييي.
أبويا قالي عملتها إزاي؟
قلت له لا أبدا دي حاجة بسيطة لكن في نفس الوقت معقدة شوي يعني، اتشاورت مع الذكاء الاصطناعي في حلها، والحمد لله قدرنا نوصل لحل. لو في أي حاجة تاني واجهتكم في أي حاجة أنا تحت أمركم يعني احنا أهل.
ورجعت الهيبة الحمد لله، ويا رب يا رب يا رب المنشور ده ما يوصل لأبويا أو أمي.
منقول
