غير متصل
أخطاء شائعة عند شراء RAM لازم تتجنبها
أخطاء شائعة عند شراء RAM لازم تتجنبها
خلّينا نبدأ…
---
1) شراء رام غير متوافقة مع جهازه
ناس كثير بتشتري DDR4… وجهازه أصلاً بدعم DDR3
أو يشتري DDR5 واللابتوب ما بتعرفها أصلاً.
دائمًا افحص النوع قبل الشراء.
---
2) شراء سرعة أعلى من اللي الجهاز بدعمه
مثال:
جهازك بدعم 2666MHz
تشتري 3200MHz وتتوقع تشتغل بكامل سرعتها…
خطأ!
الجهاز رح ينزل السرعة… ودفعت زيادة بدون فايدة.
---
3) تركيب حجم رام غلط
ناس بتركب 12GB (8 + 4)
وبفقدوا أداء الـ Dual Channel.
دائمًا خليك 8 + 8 أو 16 + 16.
---
4) شراء موديلات مجهولة أو بدون ضمان
الرام التقليد أو المجددة أكثر قطعة ممكن تخرب الجهاز.
مش بس أداء ضعيف… مرات بتسبب شورت بالمذربورد.
---
5) تجاهل التوافق مع اللابتوب
في ناس بتشتري RAM طويلة…
والمكان في اللابتوب أصغر (SO-DIMM).
اللابتوبات إلها قياسها الخاص.
---
6) شراء رام بسبب “الإعلانات” بدون داعي
مش كل واحد لازم يشتري RGB ورامات Gaming.
إذا شغلك Word وExcel… مش رح تستفيد منها.
---
الخلاصة من TecnoScore:
اقرأ المواصفات… خليك على الماركات المعروفة… واشتري القطعة المناسبة لجهازك ومحتاجاتك فقط.
هيك بتحصل على أفضل أداء بدون ما تضيع فلوسك.
---
الموضوع منقول
