متصل
احترار غير مسبوق لمياه البحر المتوسط ينذر بخريف وشتاء كارثي على بعض المناطق
احترار غير مسبوق لمياه البحر المتوسط ينذر بخريف وشتاء كارثي على بعض المناطق
خلينا نروح للتفاصيل ونشرح كل حاجة بشكل مبسط
بسبب تدفق الكتل الهوائية المدارية الحارة اللي مصدرها الصحراء الكبرى من شمال إفريقيا إلى أوروبا مرورا بالبحر المتوسط ومش لمدة قصيرة ولكن لمدة طويلة ده سمح باختزان مياه البحر طاقة كامنة كبيرة اللي ظهرت في شكل احترار حدته وصلت أنها تكون غير مسبوقه
حتى كمان النظام البحري بيعمل عملية التوازن الحراري لتبريد مياهه عن طريق تبادل طبقات المياه السطحية والعميقة نظرا لاختلاف الضغط ودرجة الحرارة والكثافة بينهم ولكن مش فعالة بالشكل اللي تحد من الارتفاع ده غير كمان البحر المتوسط شبه مغلق ويتصل بالمحيط الأطلسي بمضيق جبل طارق فالتبادل المائي مع المحيط لتحقيق التوازن الحراري غير مؤثر بشكل فعال على الاحترار
وبالتالي وصلت درجة حرارة مياهه أنها تكون أعلي من المتوسط بمعدل من 3 ل 5 درجات ومع استمرار ارتفاع وتيرة الاحترار هنلاقي درجات حرارة هتوصل ل 30 درجة مئوية لمياهه وقد تتجاوز الدرجة ديه وده رفع من معدل البخر لاكثر من المعدلات الطبيعية ووجود حمل حراري قوي ده هيعطي المنخفضات الجوية قوة اكبر و هيطور البعض منها لعواصف متوسطية شبه استوائية ميديكان اللي بتتطور لإعصار من الدرجة الأولي والسنة ديه متوقع انها تشهد نشاط عالي لها
تأثير ده هيكون واضح على وسط وغرب حوض البحر المتوسط اللي هيشهد نشاط عالي للعواصف الميديكان اللي هتتطور حتما لأعاصير من الدرجة الأولي وفي مؤشرات تدعم ده بقوة مع أمطار شديدة الغزارة بمعدلات عالية وبالإضافة لنزول حبات برد كبيرة الحجم
طب الكلام ده يخص مين ؟
التحذيرات ديه معنى بيها جنوب وغرب اوروبا وتونس والجزائر وليبيا ومنطقة شرق المتوسط هي الاخرى معينة بده ولكن بشكل اقل حدة وقد تتشكل فيها عواصف ميديكان برضو وخصوصا في ظل وجود حالة اللانينا بشكل ضعيف نسبيا فالخريف هيكون شبه جاف وخصوصا مصر ولكن بسبب تشبع طبقات الجو بالرطوبة ووجود حمل حراري قوي فهنشوف حالات جوية شديدة وقد تصل لحد التطرف ولكن على فترات زمنية متباعده
فالخريف الجاي مش طبيعي واللي ممكن يتسم باغلب ايامه بالجفاف ولكن هنكون عرضة لحالات قد تكون متطرف واستعدوا أنكم ممكن تسمعوا عن فيضانات وعواصف غير مسبوقة بتضرب دول جنبنا وتحديدا من أواخر الصيف وقد يكون لنا حظ منها في الخريف أو الشتاء حسب متغيرات العوامل الجوية وقتها
منقول
خلينا نروح للتفاصيل ونشرح كل حاجة بشكل مبسط
حتى كمان النظام البحري بيعمل عملية التوازن الحراري لتبريد مياهه عن طريق تبادل طبقات المياه السطحية والعميقة نظرا لاختلاف الضغط ودرجة الحرارة والكثافة بينهم ولكن مش فعالة بالشكل اللي تحد من الارتفاع ده غير كمان البحر المتوسط شبه مغلق ويتصل بالمحيط الأطلسي بمضيق جبل طارق فالتبادل المائي مع المحيط لتحقيق التوازن الحراري غير مؤثر بشكل فعال على الاحترار
طب الكلام ده يخص مين ؟
فالخريف الجاي مش طبيعي واللي ممكن يتسم باغلب ايامه بالجفاف ولكن هنكون عرضة لحالات قد تكون متطرف واستعدوا أنكم ممكن تسمعوا عن فيضانات وعواصف غير مسبوقة بتضرب دول جنبنا وتحديدا من أواخر الصيف وقد يكون لنا حظ منها في الخريف أو الشتاء حسب متغيرات العوامل الجوية وقتها
منقول
