غير متصل
و من يتقي الله يجعل له مخرجا و يرزقه من حيث لا يحتسب
تاجر أجهزة كهربائية قاعد بيتصفح الفيس بوك ف شاف إعلان لحد عارض بوتجاز وشاشة مستعملة للبيع
التاجر إتصل بيه وراح عشان يشتريهم
لكن وهو نازل من بيته نده عليه جاره وقاله معلش يا ابو يوسف أنا كنت محتاج منك ١٠٠٠ جنيه سلف عشان بعمل شوية صيانة في البيت والموضوع جه فجأة ومكنتش عامل حسابي
التاجر قاله ولا يهمك حاجة إتفضل الألف جنيه تحت أمرك
وبعدها التاجر كمل طريقه وراح يشترى الأجهزة ولما وصل إتفرج ع الأجهزه وقاله بص بقي يا أستاذ بالصلاة على النبي البوتجاز والشاشة دول ب ٥٠٠٠ جنيه .. الراجل قاله شوية يا معلم ده أنا كدة هخسر فيهم كتير و مش هعرف أشترى غيرهم تانى ابدأ
التاجر قاله طاب انا عشان خاطر وشك السمح ده هدفع كمان ٥٠٠ جنيه وده آخر كلام عندى ... الراجل قاله طاب هات الفلوس بسرعة يا معلم وشيل الحاجة عشان ألحق اروح لإبنى المستشفي .. التاجر قاله ليه هو إبنك ماله يا أستاذ ؟! الراجل قاله إبنى في المستشفي بين الحياه والموت وأنا محتاج الفلوس دى بسرعة عشان إبنى هيعمل عمليه
التاجر قاله طاب إسمع يا أستاذ أنا حد الله بينى وبين الحاجة دى . خلي الأجهزة في بيتك وخد الفلوس وروح إتطمن علي إبنك ولما تفرج عليك إبقي رجعها .. الراجل عينه دمعت وقاله إنت بتتكلم بجد يا معلم !
التاجر قاله يا أستاذ كله من فضل الله وأنا أب زيك وعندى إبن وحيد بترجاه من ربنا وحاسس بيك وحاسس بأمه .. الراجل قاله وهو بيعيط ربنا يجبر بخاطرك يا معلم ويخليلك إبنك ويكفيه شر المرض
التاجر عطى الفلوس للراجل وروح البيت لقي جاره بينادى عليه و بيقوله إنت راجل طيب وإبن حلال وفيك شيئ لله .. قاله ليه فيه إيه ؟! جاره قاله إنهارده حصلت معجزة ولطف كبير من ربنا .. قاله إيه إللي حصل إنت قلقتنى ؟!
جاره قاله إبنك يوسف كان بيلعب في البلكونة ووقع من الدور التانى والحمد لله إنه وقع علي الرمل إللي انا شاريه من الفلوس إللي كنت سالفها منك والحمد لله محصلهوش أى حاجة وقام زى الحصان وراح يلعب مع العيال
التاجر قال الحمد لله يا رب علي كرمك و سترك ولطفك بيا
وبعد شهر الراجل إتصل بيه وقاله فلوسك جاهزة يا معلم وأنا هجيلك بيها لغاية عندك وأبوس علي إيدك قبل راسك لأن فلوسك كانت السبب في إنقاذ حياة إبنى
التاجر قاله متقولش كدة يا أستاذ لأن الفلوس دى كان السبب في إنقاذ حياة إبنى أنا
( ومن يتقي الله يجعل له مخرجا ويرزقه من حيث لا يحتسب )
منقوووول
التاجر إتصل بيه وراح عشان يشتريهم
لكن وهو نازل من بيته نده عليه جاره وقاله معلش يا ابو يوسف أنا كنت محتاج منك ١٠٠٠ جنيه سلف عشان بعمل شوية صيانة في البيت والموضوع جه فجأة ومكنتش عامل حسابي
التاجر قاله ولا يهمك حاجة إتفضل الألف جنيه تحت أمرك
وبعدها التاجر كمل طريقه وراح يشترى الأجهزة ولما وصل إتفرج ع الأجهزه وقاله بص بقي يا أستاذ بالصلاة على النبي البوتجاز والشاشة دول ب ٥٠٠٠ جنيه .. الراجل قاله شوية يا معلم ده أنا كدة هخسر فيهم كتير و مش هعرف أشترى غيرهم تانى ابدأ
التاجر قاله طاب انا عشان خاطر وشك السمح ده هدفع كمان ٥٠٠ جنيه وده آخر كلام عندى ... الراجل قاله طاب هات الفلوس بسرعة يا معلم وشيل الحاجة عشان ألحق اروح لإبنى المستشفي .. التاجر قاله ليه هو إبنك ماله يا أستاذ ؟! الراجل قاله إبنى في المستشفي بين الحياه والموت وأنا محتاج الفلوس دى بسرعة عشان إبنى هيعمل عمليه
التاجر قاله طاب إسمع يا أستاذ أنا حد الله بينى وبين الحاجة دى . خلي الأجهزة في بيتك وخد الفلوس وروح إتطمن علي إبنك ولما تفرج عليك إبقي رجعها .. الراجل عينه دمعت وقاله إنت بتتكلم بجد يا معلم !
التاجر قاله يا أستاذ كله من فضل الله وأنا أب زيك وعندى إبن وحيد بترجاه من ربنا وحاسس بيك وحاسس بأمه .. الراجل قاله وهو بيعيط ربنا يجبر بخاطرك يا معلم ويخليلك إبنك ويكفيه شر المرض
التاجر عطى الفلوس للراجل وروح البيت لقي جاره بينادى عليه و بيقوله إنت راجل طيب وإبن حلال وفيك شيئ لله .. قاله ليه فيه إيه ؟! جاره قاله إنهارده حصلت معجزة ولطف كبير من ربنا .. قاله إيه إللي حصل إنت قلقتنى ؟!
جاره قاله إبنك يوسف كان بيلعب في البلكونة ووقع من الدور التانى والحمد لله إنه وقع علي الرمل إللي انا شاريه من الفلوس إللي كنت سالفها منك والحمد لله محصلهوش أى حاجة وقام زى الحصان وراح يلعب مع العيال
التاجر قال الحمد لله يا رب علي كرمك و سترك ولطفك بيا
وبعد شهر الراجل إتصل بيه وقاله فلوسك جاهزة يا معلم وأنا هجيلك بيها لغاية عندك وأبوس علي إيدك قبل راسك لأن فلوسك كانت السبب في إنقاذ حياة إبنى
التاجر قاله متقولش كدة يا أستاذ لأن الفلوس دى كان السبب في إنقاذ حياة إبنى أنا
( ومن يتقي الله يجعل له مخرجا ويرزقه من حيث لا يحتسب )
منقوووول
