غير متصل
النداهة
بقلم الكاتبة:
نورا الهراس
عضوه ف مبادرة ميريت آمون لنشر الوعي الاثري والترويج بالسيارة.
في البداية صلو علي نبينا عليه افضل الصلاة والسلام .
مين فينا ما سمعش عن النداهه أسطورة ريفية مصرية أصيله لا يخلو منها أي تجمع مع أجدادنا يبدا بفرفشه وهزار ويينتهي باسطوره {حدوته من حواديت ناس وحشتنا } النداهه كلمة سمعناها كتير وخاصة في الأرياف دي بقي بنوته جميله جدا جمالها لا يقاوم وبتظهر بليل في الترع والحقول وتبدأ تنادي باسم الشخص{فريستها الليله دي} والشخص بقي يمشي ورا الصوت ده وهو مسحور
{أخرة اللي مش بيواظب علي الاذكار }
وأما يوصلها تقوم قتلاه
{قلب امه }
وتاني يوم بنلاقيه مقتول ف الميه ولو قدر يهرب منها كده هيعيش مجنون {مافيش مفر من اذاها } . النداهه مش سالكه بالمره وبتلعب علي نفسية فريستها وتقتله بدم بارد فلو كان بيحب واحدة بتتشخص في في صورتها او تنادم عليه بصوتها
{وعلشان الحب ولع في الدره بيمشي ورا الصوت}
وتظهرلو وهوب دبل كيك تقتله وترميه ف الميه . والاغلب بيتفق علي ان النداهه جميله وبتلبس فستان أبيض ومش بتمشي علي الأرض وبتلبس سلسه علي شكل تعبان وبطير وبتزحف وتعوم وتجري وتعمل كل حاجه وعيونها وشعرها لونهم احمر بلون الطماطم .
النداهه عندها قلب رهيف وبتحب برضو {ظلمتها اني اسف }
واللي بتحبه بتاخده معاها تحت الأرض وبيختفي فتره وبعدين بنلاقيه مقتول ومرمي ف أي مكان او ممكن تاكله فمش بنلاقي الجثه {انا خايف }.
اللطيف في الموضوع انها بتقتل رجاله بس طلعت جدعه النداهه برضو ومابتجيش علي اخواتها الستات { هديلها قلبي } .
ومش بس اسطورتها في مصر بس موجوده في الامارات باسم ام دويس وموجوده في اليونان باسم السرينات وأماكن تانيه .في النهايه لو انت مسافر علي طريق زراعي وسمعت صوت بينادي عليك بلاش تقف او تبص جمبك وزي ما قال احمد خالد توفيق في ما وراء الطبيعه انها بتظهر للي مش بيؤمنو بيها. وبسكدا
بقلم
الكاتبة: نورا الهراس
#ميريت_آمون_Merit_Amon
نورا الهراس
عضوه ف مبادرة ميريت آمون لنشر الوعي الاثري والترويج بالسيارة.
في البداية صلو علي نبينا عليه افضل الصلاة والسلام .
مين فينا ما سمعش عن النداهه أسطورة ريفية مصرية أصيله لا يخلو منها أي تجمع مع أجدادنا يبدا بفرفشه وهزار ويينتهي باسطوره {حدوته من حواديت ناس وحشتنا } النداهه كلمة سمعناها كتير وخاصة في الأرياف دي بقي بنوته جميله جدا جمالها لا يقاوم وبتظهر بليل في الترع والحقول وتبدأ تنادي باسم الشخص{فريستها الليله دي} والشخص بقي يمشي ورا الصوت ده وهو مسحور
{أخرة اللي مش بيواظب علي الاذكار }
وأما يوصلها تقوم قتلاه
{قلب امه }
وتاني يوم بنلاقيه مقتول ف الميه ولو قدر يهرب منها كده هيعيش مجنون {مافيش مفر من اذاها } . النداهه مش سالكه بالمره وبتلعب علي نفسية فريستها وتقتله بدم بارد فلو كان بيحب واحدة بتتشخص في في صورتها او تنادم عليه بصوتها
{وعلشان الحب ولع في الدره بيمشي ورا الصوت}
وتظهرلو وهوب دبل كيك تقتله وترميه ف الميه . والاغلب بيتفق علي ان النداهه جميله وبتلبس فستان أبيض ومش بتمشي علي الأرض وبتلبس سلسه علي شكل تعبان وبطير وبتزحف وتعوم وتجري وتعمل كل حاجه وعيونها وشعرها لونهم احمر بلون الطماطم .
النداهه عندها قلب رهيف وبتحب برضو {ظلمتها اني اسف }
واللي بتحبه بتاخده معاها تحت الأرض وبيختفي فتره وبعدين بنلاقيه مقتول ومرمي ف أي مكان او ممكن تاكله فمش بنلاقي الجثه {انا خايف }.
اللطيف في الموضوع انها بتقتل رجاله بس طلعت جدعه النداهه برضو ومابتجيش علي اخواتها الستات { هديلها قلبي } .
ومش بس اسطورتها في مصر بس موجوده في الامارات باسم ام دويس وموجوده في اليونان باسم السرينات وأماكن تانيه .في النهايه لو انت مسافر علي طريق زراعي وسمعت صوت بينادي عليك بلاش تقف او تبص جمبك وزي ما قال احمد خالد توفيق في ما وراء الطبيعه انها بتظهر للي مش بيؤمنو بيها. وبسكدا
بقلم
الكاتبة: نورا الهراس
#ميريت_آمون_Merit_Amon
