متصل
خسوف القمر 🌗 الليلة
إزاي تحدد مكان الرصد؟ (الإتجاه)
القمر هو بطل الليلةكل اللي عليك تبص ناحية الشرق، هناك هيطلع القمر وقت ما الشمس تغرب.
هيفضل يطلع في الأفق الشرقي وبعدها يتحرك ناحية الجنوب/الغرب.
يعني دور على مكان مكشوف يبانلك منه الأفق الشرقي كويس (سطح، مساحة مفتوحة.. إلخ).
🕰 مراحل الخسوف (بتوقيت القاهرة):
جهّز نفسك من الساعة 7:30 بالليل وارفع عينك للسماء، والمراحل هتمشي كده 
6:28 – بداية خسوف شبه الظل (القمر لسه تحت الأفق).
7:05 – شروق القمر من الشرق.
7:27 – بداية الخسوف الجزئي (القمر يبدأ يضلم).
8:30 – بداية الخسوف الكلي (القمر هيبقى أحمر).
9:11 – ذروة الخسوف (أجمل لحظة).
9:52 – نهاية الخسوف الكلي.
10:56 – نهاية الخسوف الجزئي.
11:55 – نهاية خسوف شبه الظل.
إيه اللي هتشوفه؟ (باختصار)خسوف شبه الظل — ضوء القمر هيخف شوية (ممكن ما يتلاحظش بالعين).
بداية الخسوف الجزئي — هتشوف ظل الأرض داخل على القمر بوضوح.
بداية الكلي — القمر هيغرق كله في ظل الأرض ولونه هيقلب أحمر/برتقالي (القمر الدموي).
الذروة — أحلى لقطة
.بعدين هيبدأ يخرج من الظل تدريجي لحد ما يرجع لنوره الطبيعي.
دلوقتي بقا وصلنا لمرحلة الشقاوة.. وقت التصوير
تصوير الخسوف بالموبايل (من غير حامل):شغّل الوضع الليلي لو متاح.
متزودش التكبير الرقمي (بيبوظ الجودة).
سبّت الموبايل على حاجة ثابتة (حيطة، ترابيزة) بدل ما تمسكه بإيدك.
جرّب تصوير فيديو 4K أو 1080p وبعدها قص الصورة.
ركّز على بداية الكلي + الذروة + النهاية — دول أحلى لحظات.
لو عندك منظار أو تليسكوب:المنظار العادي هيقرّبلك الصورة ويبين تفاصيل أكتر.
التليسكوب الصغير هيديك منظر خرافي للظلال وحفر القمر.
منقول
